المرايا:علي فين يا ديفيد

ديفيد من الشخصيات القبلتها بردو في الصدف الفي حياتي اتعرفت عليه لما اشتركت مع فريق وصف اسكندريه الحكتلكوا عليه قبل كده الاول طبعا مكناش صحاب كان شخص هادي صامت طويل القامه لكن بعد كام مره اتكلمنا و بدانا نتعرف علي بعض واحده واحده لغاية ملقيت اكتر حاجه بتخليني ابقي قريبه من اى حد وهي الرسم والاهتمام بالرسم وان الشخص يكون ليه ستايل خاص بيه في الرسم و يعجبني واهم حاجه ان يكون الشخص القدامي عنده روح المغامره و التجربه و الضحك المتواصل واخيرا اننا  لما نقول لبعض يالاننزل نرسم تلاقينا رحنا اماكن عمرنا مروحناها في حياتنا ومن هنا جت فكرة اكتشاف اسكندريه اكتشاف اسكندريه مع ديفيد الشخص الصامت طويل القامه الذي تحول بمرور الايام لصديق اروح معاه حتت مكنتش متخيله انها موجوده في اسكندريه اماكن جميله بس مهمله و عشان كده حتلاقوني اى مكان جديد وغريب حيكون مع الشخص الخفيف الضل الطيب و السميته باسم حركي في الاماكن البنروحها وهو اسماعيل سومعه الشهير بديفيد

المرايا:الفتاه ذات الشعر المجعد

تدخل الفتاه الي ايما وسيما وحيده تاخذ عصير جهينه جوافه ثم تجلس في زاوية المقهي لا تفعل شيئا سوا الجلوس والنظر الي اسفل و بعد دقائق تخرج من حقيبتها السجائر وولاعتها الحمراء ....نظره لاعلي ثم تعاود النظر الي الاسقل ثانية وفي عينيها حزن وحيره وتامل .الفتاه ذات الشعر المجعد و الكثيف تخفي في نظلراتها حزن ووحده

ينصح بالزياره :ايما وسيما

ايما وسيما
اسكندريه
بجوار مسرح سيد درويش.شارع قؤاد

المرايا

المرايا
قصص جديده برسمها عن ناس بشفها بعنيا ناس بتعلم معايا او بعجب بيهم و بياثروا فيا او ناس بشوفها من بعيد بس بتبقي في عيونهم   مية قصه وقصه 

تاريخ المحاكم

تاريخ مهمل

تاريخ مهمل
نظرا لاني مشتركه مع فريق اسمه وصف اسكندريه وهو فريق بيتكون من مجموعه من المعماريين و الرساميين وبيحاول الفريق رصد اهم الاماكن والمعالم الموجوده فى اسكندريه و توثيقها نظرا للاهمال الشديد التي تتعرض له هذه الاماكن و ايضا الاهمال الذي يتعرض له معظم المباني التي تندرج تحت التراث فى محاوله مننا لتسجيل ما كانت عليه اسكندريه وما اصبحت عليه الان ومن الاماكن الرسمتها  مع الفريق هو مبني محكمة اسكندريه الابتدائيه و من خلال رسمى للمبني عرفت تاريخ المحاكم في مصر ومتي بدات و كيف تكونت المحاكم الابتدائيه  والمختلطه 

شوارعنا

حال بلدنا:حلم سفر

حلم سفر:مين من المصريين مبيفكرش يسافر .يسافر يدور علي لقمة العيش او يسافر يتفسح و يشوف عالم جديده ده لو معاك فلوس او تسافر لانك معاك فلوس بس نفسك تعيش في نظام و شوارع نضيفه وناس تعرف تتعامل معاهم .السفر ليه فوائد كتيره بس في حالة المصريين بيبقي اوقات ضروره عشان تعيش افضل تتجوز او تجيب شقه او تحوش ده تفكير معظم المصريين وممكن لو كنت ميسر الحال تسافر تتعلم بره تتعلم تعليم صح تنسي كل التعلمته هنا في مصر لانه مبيتنسبش مع سوق اي عمل هنا في مصر .لو نزلت الشارع حتعرف ليه الناس بتفكر تسافر لان ببساطه الشارع المصري مليان مشاكل ولو صادفك الحظ قبل كده وسافرت لاوروبا او الدول المتقدمه او دول الخليج حتعرف الفرق بين الشوارع هنا و هناك او حتعرف ليه الشباب بتدور علي اي فرصه سفر 

بيت السحيمي (ينصح بالزياره)

البن البرازيلي

مين مننا ميعرفش البن البرازيلي لو انت من اسكندريه يبقي اكيد عديت عليه ومكانه في صلاح سالم شارع مليان عمارات قديمه تحمل طراز اسكندريه القديم عمارات فى حد ذاتها كنز عمارات فيها مكاتب او سكان و احيانا عمارات مهجوره لكنها لسه محتفظه بجمالها رغم قدمها .وكمان البن البرازيلي رغم ان كافيهات كتير فتحت في اسكندريه و اسامي كبيره و مطاعم لكن البن البرازيلي برغم قدمه و صغر حجمه ولكن حيظل في سر يخليك تحب تروحه من وقت للتاني يمكن ريحة البن وانت معدى من جنبه يمكن اننا اوقات بنحن للماضي فبنحب نوعود بمكان بيفكرنا بزمن فات مش عارفه بس المهم ان البن البرازيلي لسه باقي وباقي معاه ادوات صنع القهوه التاريخيه وجوه المميز