اصحاب فترة المرض

 اصحاب فترة المرض

بقالي يومين عندي زكام .رشح.احتقان في الزور ولذلك التزمت الفراش وصاحبت حاجات منها بكرة المناديل التي لم تفارقني بتاتا و كبسولاتي التى اخذها صباحا ومساءا مع كوب الينسون والتقلبات المستمره علي السرير و سرحان مع صعبنه علي النفس وممكن كمان مع الانفلونزا نفسك تروح لحاجات مكنتش بتشربها زي مثلا الكوكاكولا

متحف اسكندريه القومي

فن اسلامي

فن قبطي

متعلقات شخصيه للملك فاروق

حضاره فرعونيه

هناك امور صغيره جدا تجعلك تبتسم :غداء خفيف

 غداء خفيف

انا وماما قاعدين زهقانين في البيت ...افكار تروح و تيجي قررنا نروح سان ستيفانو مول حضرت هدومي شنطتى و جزمتي نزلنا ووصلنا وافكار تانيه تيجي وتروح وتقول ناكل اكله خفيفه والاكله الخفيفه كانت هارديز ههههههههه و خفتها تكمن في البطاطس المحمره المتغرقه جبنه سايحه من فوق خلصنا و اتفرجنا علي الناس وهي بتلتهم الاكل و طلبنا ماكدونالدز للعشاء و اخدناه معانا .

البيت اصل الصراحه الغداء كان خفيف فقلنا العشاء بردو لازم يكون حاجه خفيفه

المترو تجربه مرعبه لاصحاب القلوب الضعيه

قررت ان اذهب الي القاهره مع مجموعه من الاصدقاء لحضور معرض لنا هناك .ركبنا القطار من محطة سيدي جابر الاسكندريه المجدده كليا لتوها ؟؟؟؟؟؟؟علامات استفهام لكلمة مجدده حيث انها اعتقد والله اعلم ان موضوع التجديد هذا ليس الا اشاعه او كلمه بتتقال لانها اصبحت عباره عن انبوبة او اصبحت شبهه سخان الغاز القديم من شركة جاسكو المكان عباره عن مدخنه لا يوجد اضاءه كما كانت في السابق المهم بعد الصدمه الاولانيه وصلنا القاهره قاهرة المعز الغير معززه و غير مكرمه نزلنا محطة مصر حجزنا تذكرة الرجوع في اليوم التالي خرجنا و دخلنا باب اخر و هو المترو ................................بس كده  نقط لحد يوم القيامه اردنا ان نذهب لصديقتنا نهاد المقيمه بمصر الجديده و هي التي اقترحت علينا اخذ المترو .اللهي يكرمك يا نهاد .اخذنا المترو لاربع محطات ولكن عربة المترو ليست كاي عربة مترو في العالم الزحمه غريبه و الناس جوه فمك و التهويه معدمه و في وسط كل هذا بائعين يبيعوا ايه لا تعلم لانك مش شايف كف ايدك  الحمد لله وصلنا نزلنا من المترو و فوجئنا ان جميع الناس تجري اسبرينت و الحمد لله بعد ما طلعنا للنور و شكرنا ربنا حضرنا معرضنا بسلام وفي اليوم التاني ركبنا المترو ايضا و كانت الفاجعه زحاااااااااااااااااااااااااااااااااااااااام علي الرصيف بداخل العربات و العربيه كانها دفايه و عند الخروج كان هناك ايضا تزاحم و لكن المره ديه اتعلمنا حاجه واحده اننا نجري اسبرينت .......

المرايا : مغامرات chase

المرايا (وصف اسكندريه)

 الجمعه الرابع عشر من مارس 2014 الناس بدات تتجمع كان المعاد تسعه ونص و عمال ما اتجمعنا كلنا كانت السعه عشره ونصف يالاما علينا قطعنا التذاكر و دخلنا ........... نظرات صاخبه فاحصه للمكان .تحديد لنوع الرسمه ...شمس....حر ....الناس مش قادره ...بداو الرسم رغم الحر

اتعرفت هناك علي ناس كتير ومن ساعتها لحد الان لسه مكملين سوا وبنرسم اسكندريه مع جوهر 

المرايا (وصف اسكندريه)

 التاسع من مارس 2015 جوهر ابتدي يتعرف علي الناس :انا اسمي محمد جوهر مهندس معماري ........ بيحكي قصته الناس قالت اسمها وليه اتشدت للموضوع وزع كراريس ببلاش اكرر ببلاش و في عاقله الباطن اكيد بيقول ده اول مره بس متفتكروش حصرف عليكو

و فجاءه النور قطع و استمر اللقاء علي ضوء الشموع و الهواتف المحموله والكل روح و كان اللقاء التاني يوم الجمعه عند قلعة قايتباي 

المرايا (وصف اسكندريه)

 محمد جوهر مهندس معماري حزين علي هدم المباني الاثريه قرر يحمي التراث بطريقه ممكن تكون طريقه بسيطه ومش مؤثره بس بالنسباله ممكن تاثر فيه و في حياته و شخصيته .قرر يعمل كتاب عن اسكندريه نزل اعلان فى شبكات التواصل الاجتماعي محتاج فريق عمل معماريين و رسامين و مصوريين انا قريت الاعلان وقررت اني اقدم و فعلا رد عليا و قبل اني اكون من ضمن الفريق و روحنا اول اجتماع في استديو جناكليس