لقمة عيش :ينصح بالزياره

 :ينصح بالزياره .لقمة عيش
انتشر في السنوات الاخيره كافيهات  اخذت الطابع الغربي من حيث الشكل والاسم و في بعض الاحيان اسامي الناس متعرفش لا تقراها ولا تنطقها نظرا لقوة اللغه الاجنيه لدي الشباب  و لكن مع مرور الوقت انتشرت بردو اسامي لكافيهات باللغه العربيه فى   محاوله للعوده للماضي و الموضوع اصبح موضه اكتر منه اعتزاز بالهويه العربيه  فاخذت هذه الكافيهات مستخدمه ديكورات مصريه عربيه مثلا اعلانات قديمه او افيشات افلام و صور لممثلين مصريين او موتيفات عربيه و بعض الانتيكات المصريه القديمه و في بعض الاحيان يقوموا باستخدام كراسي القهاوي القديمه المعروفه و حتي قائمة الطعام اخذت الطابع الشرقي والاكلات الشرقيه  مع ظهور لفكرة الحد الادني للطلبات التي اصبحت منتشره بمعظم كافيهات اسكندريه لكن بيكون هناك ملاحظه في قائمة المشروبات اغلبها بتكون طلاسم يحتاج القارئ حلها  او اكلات غريبه بعيده عن ارض الواقع ناهيك عن انتشار السوشي و النوتيلا ومعرفش ايه اسامي تتارجح من الواقع والاواقع  ما علينا من النقطه ديه . بس بردو مع مرور الوقت بتحن تروح مكان في لمحه كده شرقيه مع ديكورات ومشروبات مصريه و عربيه اصيله .المكان الروحته انهرده مع اصحابي للاكل و كمان للرسم هو لقمة عيش المتواجد بمنطقة كفر عبده هو مكان بيحمل الطابعين معا الغربي في قائمة طعامه و مشروباته و العربي في بعض ديكوراته ومنها لوحات لساميه جمال و سعاد حسني في لقمة عيش بيقدملك حلويات و كمان سندويتشات تختار اليتحط جواها من لانشون و رومى مدخن و فراخ و جبن مختلفه و بعد ما تختار الحشو يسخنهولك و يجبهولك بالهنا و الشفا  الحد الادني للطلبات خمس وعشرون جنيه لكن فعلا لقمة عيش من الاماكن المحببه لقلبي مكان خفيف صغير و اكله حلو هو الواحد حيعوز ايه اكتر من كده  ت